11:37 ص
مفلح القحطاني
وآ كبدي اللّي علـى شوفتـك منفَطْـرَه
زايد ظماهـا ..ويابسـتٍ شرايينـي!!
حتى المطر يوم يمطر.. مالتفت شَطْـرَه
لأنَّي أن شفت برق الغيث.. يضميني!!
أتخيَّلك مـن غـلا ..محبّـه ..وبَطْـرَه
واتذكَّر أوصاف خدَّك يانظـر عينـي!!
يامهجتـي فالحيـاه الحلـوه العَـطْـرَه
أنتـي هوايـه مـدام الله محييـنـي!!
وشعري وحرفي.. قبل يكتب على سَطْرَه
منقوش فالقلب باسمك.. مير تَكْفَينـي!!
تـرى حبيبـك يعيـش بحالـةٍ خَطْـرَه
والموت شعره ..تبقَّت ..بينه وبينـي!!
شاعرك ضميآن من شَطْرَه ليا شَطْـرَه
ومن المطر ماروي ..ياروحي ارويني!!
من ريقك الحلو يرويني.. ولـو قَطْـرَه
عطيني من العسل قَطْرَِه ..وتَكْفِينـي!!
